രാജസ്ഥാനിൽ രാഷ്ട്രീയ നാടകം; നേർക്കുനേർ പോരാടി മുന്നണികൾ

രാജസ്ഥാനിൽ അരങ്ങ് തകർത്ത് രാഷ്ട്രീയ നാടകങ്ങൾ. പരസ്പരം ഏറ്റുമുട്ടി കോൺഗ്രസ്സും ബി ജെ പിയും. രാജസ്ഥാൻ ഉപമുഖ്യമന്ത്രി സച്ചിൻ പൈലറ്റിന് കീഴിൽ 30 എംഎൽഎമ്മാർ ഉണ്ടെന്ന അവകാശവാദം പൊളിയുകയാണ്. മു​ഖ്യ​മ​ന്ത്രി അ​ശോ​ക് ഗെ​ഹ്ലോ​ട്ട് വി​ളി​ച്ച നി​യ​മ​സ​ഭാ ക​ക്ഷി യോ​ഗ​ത്തി​ൽ 96 എം​എ​ൽ​എ​മാ​ർ പ​ങ്കെ​ടു​ത്തതോടെയാണ് പൈലറ്റിന്റെ അവകാശവാദം പൊളിഞ്ഞത്. മു​ഖ്യ​മ​ന്ത്രി​യു​ടെ വ​സ​തി​യി​ൽ നടന്ന യോ​ഗത്തിലാണ് 96 എംഎൽഎമ്മാർ പങ്കെടുത്തത്. എ​ല്ലാ എം​എ​ൽ​എ​മ്മാ​ർ​ക്കും കോ​ണ്‍​ഗ്ര​സ് വി​പ്പ് ന​ൽ​കി​യി​രു​ന്നു. യോ​ഗ​ത്തി​ൽ പ​ങ്കെ​ടു​ക്കാ​ത്ത​വ​ർ​ക്കെ​തി​രെ ന​ട​പ​ടി​യു​ണ്ടാ​കു​മെ​ന്നും കോ​ണ്‍​ഗ്ര​സ് അ​റി​യി​ച്ചി​രു​ന്നു. രാ​ജ​സ്ഥാ​നി​ൽ 200 അം​ഗ​ങ്ങ​ളു​ള്ള നി​യ​മ​സ​ഭ​യി​ൽ 107 എം​എ​ൽ​എ​മ്മാ​രാ​ണ് കോ​ൺ​ഗ്ര​സി​നു​ള്ള​ത്.

അ​തേ​സ​മ​യം ഉ​പ​മു​ഖ്യ​മ​ന്ത്രി സ​ച്ചി​ൻ പൈ​ല​റ്റ് യോ​ഗ​ത്തി​ൽ പ​ങ്കെ​ടു​ത്തി​ല്ല. സ​ച്ചി​ൻ പൈ​ല​റ്റ് തി​രി​ച്ചു​വ​ര​ണ​മെ​ന്നും പ്ര​ശ്ന​ങ്ങ​ൾ ച​ർ​ച്ച​യി​ലൂ​ടെ പ​രി​ഹ​രി​ക്കാ​മെ​ന്നും കോ​ൺ​ഗ്ര​സ് നേ​താ​ക്ക​ൾ അ​ഭ്യ​ർത്ഥി​ച്ചു. ച​ർ​ച്ച​ക​ൾ​ക്ക് വാ​തി​ൽ തു​റ​ന്നു​കി​ട​ക്കു​ക​യാ​ണെ​ന്നും കോ​ൺ​ഗ്ര​സ് വ്യ​ക്ത​മാ​ക്കി. സ​ച്ചി​ൻ ഉ​ൾ​പ്പെ​ടെ എ​ല്ലാ കോ​ൺ​ഗ്ര​സ് എം​എ​ൽ​എ​മ്മാ​രെ​യും ത​ങ്ങ​ൾ ബ​ഹു​മാ​നി​ക്കു​ന്നു​വെ​ന്ന് കോ​ൺ​ഗ്ര​സ് വ​ക്താ​വ് ര​ൺ​ദീ​പ് സു​ർ​ജേ​വാ​ല പ​റ​ഞ്ഞു. സ​ച്ചി​ൻ പൈ​ല​റ്റ് യോ​ഗ​ത്തി​ൽ പ​ങ്കെ​ടു​ക്കു​ന്നി​ല്ല. പ​ങ്കെ​ടു​ക്കാ​ൻ ക​ഴി​യാ​ത്ത​വ​ർ എ​പ്പോ​ൾ എ​ത്തു​മെ​ന്നകാ​ര്യം പാ​ർ​ട്ടി നേ​താ​വ് അ​വി​നാ​ശ് പാ​ണ്ഡെ​യെ വി​ളി​ച്ചു​പ​റ​ഞ്ഞാ​ൽ മ​തി​യെ​ന്നും സു​ർ​ജേ​വാ​ല വ്യ​ക്ത​മാ​ക്കി.

അതേസമയം രാജസ്ഥാനിൽ രാഷ്ട്രീയ പ്രതിസന്ധിക്കിടെ ഗെഹ്ലോട്ടുമായി ബന്ധമുണ്ടെന്ന് കരുതുന്ന വ്യവസായിയുടെ സ്ഥാപനങ്ങളിൽ റെയിഡ് നടന്നു. ജയ്പൂരിലും ഡൽഹിയിലുമാണ് റെയിഡ് നടക്കുന്നത്. ഇവിടങ്ങളിലെ വിവിധ സ്ഥാപനങ്ങളിലാണ് റെയിഡ്. അതേസമയം കോൺഗ്രസിൽ നിന്ന് സച്ചിൻ പൈലറ്റ് പുറത്തേക്ക് എന്ന സൂചനയാണ് പുറത്ത് വരുന്നത്. സച്ചിൻ പൈലറ്റിനെതിരെ നടപടിക്ക് കോൺഗ്രസ് നേതൃത്വം ഒരുങ്ങുന്നതായും റിപ്പോർട്ടുകളുണ്ട്.

രാജസ്ഥാനിലെ രാഷ്ട്രീയ പ്രതിസന്ധിക്ക് പരിഹാരം കാണാൻ കെസി വേണു ഗോപാൽ ജയ്പൂരിലേക്ക് എത്തുന്നുണ്ട്. രാഹുൽ ഗാന്ധിയുടെ നിർദ്ദേശപ്രകാരമാണ് കെസി വേണു ഗോപാൽ രാജസ്ഥാനിലേക്ക് തിരിച്ചിരിക്കുന്നത്. സച്ചിൻ പൈലറ്റിനൊപ്പം 15ൽ താഴെ എംഎൽഎമാർ മാത്രമാണെന്നാണ് സൂചന. ഇതിന്റെ അടിസ്ഥാനത്തിലാണ് നടപടിക്കൊരുങ്ങുന്നത്. മുഖ്യമന്ത്രി അശോക് ഗെഹ്ലോട്ടുമായുള്ള അഭിപ്രായ ഭിന്നതയെ തുടർന്ന് സച്ചിൻ പൈലറ്റ് തുറന്ന പോരിലേക്ക് നീങ്ങിയതോടെയാണ് രാജസ്ഥാനിൽ കോൺ​ഗ്രസ് പ്രതിസന്ധിയിലായത്.

പത്മനാഭസ്വാമി ക്ഷേത്രത്തിന്റെ 
അധികാരം രാജകുടുംബത്തിന്

കൂടുതൽ അറിയുവാൻ ഈ ലിങ്ക് ക്ലിക്ക് ചെയ്യു.
https://exposekerala.com/padmanabhaswami-temple-case/

ഈ വാർത്ത നിങ്ങൾക്ക് പ്രയോജനകരമായെങ്കിൽ share ചെയ്തു നിങ്ങളുടെ വേണ്ടപ്പെട്ടവർക്ക് എത്തിക്കുക.

തുടർന്നുള്ള അപ്ഡേറ്സ് ലഭിക്കുന്നതനായി പേജ് http://Expose Kerala like ചെയ്യുക